انتشرت أنباء عن وفاة فيروز مؤخرا، مما دفع ابنتها ريما الرحباني للخروج وتكذيب هذه الإشاعات، بالتزامن مع الاحتجاجات التي اندلعت في وسط العاصمة اللبنانية بيروت إثر انفجار المرفأ.

وقالت ريم الرحباني، أول أمس الاثنين، في تدوينة على "الفيسبوك" بلهجة حادّة : "يا ولاد روحوا إلعبوا بعيد، كل شي عم تفبركوه من إشاعات وصوَر وخبار وبشاعات، ما بتشبه إلا نفوسكن الدنيئة والمريضة رح يرتد عليكن!".

وأضافت: "ما أبشعكن وما أوضحكن! حتّى بهيك وقت من سواد وحزن ومأساة هالبلد، ما قدرتوا تتخطّوا حقدكن وكرهكن، وتنيّموا وساختكن؟".

وتابعت: "بأكّدلكن الأذى اللي رايدينوا من هيك فبركات على انواعا ما عم يصيبنا إلنا، لأنو نحنا منعرفكن وحافظينكن وحافظين بشاعتكن، بس عم يصيب الناس اللي ما عادت قادرة تحمل ولا أي شي إضافي، من بشاعات الكون والزمن اللي وصلنالو، واكيد بأكدلكن كمان انها عم تئذيكن إلكن، وانشالله نهار رح تدفعوا ثمنها".

وقالت ريما: "لهالزمن الوسخ اللي صار فيه تناقل اشاعات وقَتل ناس بعدا موجودة يطوّل بعمرا بيدون التأكد او التفكير او المراجعة هيدا ما اسمو إلا مشاركة بالجريمة وبالوساخة والبشاعة!".

وأكدت على أنه: "لا مصادر مقرّبة ولا مواقع اخبارية ولا فنيّة ولا واتساب ولا مكاتب إعلامية كلو تفنيص ومساهمة اكبر بنشر الكذب والوساخة!".

وكان آخر ظهور لفيروز، البالغة من العمر 84 عاما، في شهر أفريل الماضي، حين خرجت للصلاة من أجل نجاة العالم من أزمة فيروس كورونا.

رسالة حادة من ابنة فيروز لمروجي إشاعة وفاة والدتها